Crush the castle.

做扒爬做到想喊，間中就要打下低b game。

←Crush the castle。

game如其命，即係用投石機隊冧座「城」（咁當然只係求其堆既啦）。幾廿關，慢慢打。

「城」會升le，武器都會，細石升大石，大石升大砲，直到你升到最尾，就係屈機既...

仲有iphone版，最尾又係屈到pk，呵。

懶人聽歌

聽什麼歌代表人誰於哪一種文化的話，怎樣聽則是另一種指標。

Live，LP，CD，DL。曾經有段時間日down夜down，足足100GB歌有多（因為吹毛求疵，總要整隻CD image下載而已）。

YouTube。近來深夜才有空上上網，連揀碟DL的時間都懶得付出。間中想起什麼，才上YouTube當background music。當然部分音質實在不行。

至前日一邊開iTunes，播播入面僅有的「一峰二汶好天氣」（這又是一個有趣的故事），才發現更新更好的方法！

iTunes有music sharing。中大有不少人兄打開房門任我進。

以前按別人的sharing，總是滿了一天分享的限額，直到深夜才能進。湯宿3xx／二高2xx／新宿2xx既朋友，無你地我悶死左十世啦。還有研宿／ihouse一些鬼佬，你們口味也不錯。

各位又會search到咩？嘿。

慳電膽

是日報紙繼續爆料，
順道提一提大家舊曆正月有如此一首詩。

君不須防人不肖
眼前鬼卒皆為妖
秦王徙把長城築
禍去禍來因自招

解曰：內有家鬼，自身不安，家宅不吉，求財不遂

速寫幾句

差唔多出去睇hocc，講兩句。

新亞60院慶（應該叫校慶），講黎講去，除左搞大d，其實同之前無乜分別，相信之後亦唔會有太大分別。

認識不少人搞院慶，自問「我對書院好有感情」「想為書院做返d野」。嗯，娛樂活動不可少，千人宴，「大笪地」（但我懷疑搞手有誰知道什麼是大笪地）之類，是但；更深層講文化講歷史既野，除左本身意識到既同學，似乎一堆活動都唔會引起佢地興趣。

60週年如是，往後亦如是。新亞則淪為幾段「先賢艱苦創業，手空空無一物丫嘛，我都記得架」「大學美好回憶，我住過宿舍，參加過書院活動架」碎片，中間歷史及傳承，都係不倫不類。

雙十開放日，亦即正式校慶日，是為中大入學資訊propaganda日。新亞唔趁機大搞院慶，又未至於要掛青天白日滿天紅，哂左。

*** *** ***

甘威，錯在無把握主導權，時機適合，黨內鬥爭迅速被擺上枱變成大型政治鬥爭，打擊飯民。

無論甘威撐唔撐到落去都好，宜家唔應該／無理由辭職，自己理虧。

爭在入面幾時醒，發覺鬥死甘威會鬥死埋自己黨，惟有力保，盡快平息。

至於總辭，無人會信逼到大陸，擺姿態凝聚港人，以港人偽善性格，除左基要支持者，道德形象必不可少。

左派係柒，但佢地道德上既黑材料，又真係少d。

*** *** ***

李小良。周秀娜。

留意到配詞。正如「o靚模」必定配上「賣肉」「淫蕩」等字眼，「學者」必定係配上「扮高深」「恰人唔識」「象牙塔」等。但可以白馬非馬，可以有「模art」，亦有「平民學者」。

個人對李小良有些少認識，只能說是「真心膠」，自己有自己的語言，未必懂調整問法。

「扮高深」？非也。係唔知道自己高深，習慣左咁講。

呢度人最鍾意stereotyoing，邊類人就必須係咁咁咁，先行標籤。繼而，惡言相向。

幻想一下，如果講者非李小良，而是葉蔭聰，可能會成功得多。

有幾多人，識得包裝形象丫。好似某某mk教授，係馬料水大學開課，形象塑造的確做得幾成功。

十一

講十一，呢張野最有意義。

*** *** ***

近日聽到最好的評論，係熱門片段（一、二）一句：

「我覺得這是必然的...有共產黨就會有這種事發生」

上文講高鐵，講同大陸爭權唔夠班，其實都係必然。有咁既政府，就自然會有咁既事發生。

係傳媒做，每秒鐘睇梗新聞，聽唔同消息，諗落所有事都太合理。為什麼我們要憤慨，要激烈抗爭？如果權貴根本唔會聽你一句，鬧唐英年，鬧鄭汝華，有咩用。

太陽底下無新事，之前友說得好：

「只要各方方式不變，菜園村應不會帶來改變：高鐵照建；輿論早晚會叫菜園村村民顧全大局；要快的人和穗港兩邊走的父母打敗慢慢發；社運人被指抗拒珠三角融合，他們自己多記一筆仇；菜園村村民就算被迫顧全大局，大局也不會顧念他們；市民多一個機會開喉發飆。」

看著新聞，總在想，這樣的劇本還要演多少次。香港政府根本就不會汲取教訓，除非政治環境有變，逼得他們必須要回應某些訴求（而通常是以曲線、行政吸納的方式）。大家的力量還不夠，而香港人也不是容易受到鼓動，進而思考參與的群體。例如乜鬼五區總辭，出黎既成效，好大個問號。仲要對香港政府灰心、憤怒多幾多次？夠啦。政府都係睇大勢，同聽阿爺話啫。本土社運好像已並不足夠，走進死局。咁，倒不如睇下大局。

香港作為大陸的邊緣，它必須要邊緣化才能守住自己的地位，繼續「發展」；但是政治上、文化上等等，都要多跟大陸接軌，重新摸索香港在大陸整個格局的位置，絕不可以輕易被「大廣東」吞併。香港的下一代，絕對有必要多認識大陸，不只是經濟方面，還有政治角力文化差異等，要尋找香港出路，必須要顧及大陸的脈絡。尤其是，以共產黨執政的複雜脈絡，香港應該如何參加這場比起什麼特首跑馬仔（換左人其實又點？又係大陸派系之爭既問題），更為重要的比賽。問題是，有多少人懂，有多少人重視，重視的，又只懂為自己謀利益。

香港本土的社運，絕對需要關心。但未來的事情，絕對有不少跟大陸扣連，不容錯失。

是為補白。

哈囉喂 之 嚇死女仔嚇死埋我

上文8月17日登出，近日文章9月28，相隔一個月完全空白，可見本人有幾懶。

忙組織ocamp，然後忙忙上堂讀書，懶懶下咁就一個月，但又未到想摺埋呢度既地步。後話見另一post。懶得黎，都要有野比我懶先得－－咁上星期四就去左海洋公園十月全城哈囉喂（嗱，又遲成個禮拜先趕，玩完都要懶返幾日）。

去到已經七點幾，全場黑哂，個門口雖則唔係好驚，但都知肯定唔係頹野...

入到去，其實已經周街都係鬼：樣衰又有、靚仔又有、大又有細又有...

不過重點係，佢地都幾乎只嚇女仔。尤其係有一種周圍都有「滑輪鬼」，突然係你身邊殺出黎，磨地磨出火花，仲要跟住你磨足三四次...

我驚，唔係比鬼嚇，而係旁邊既人尖叫先嚇鬼死我...

由於驚都驚唔切，所以只會得閒影比較正常唔點嚇你既阿鬼生。

今年有八個鬼屋，每個有唔同主題係人都知，特別記得以下幾個：

• 彭氏兄弟之鬼域：名副其實，就係將彭氏兩位人兄拍鬼片既概念整成一間鬼屋。點解驚？因為夠長夠多野！足足行成兩個字咁滯！
• 魔大迎新夜：因為身旁果位係「魔」大學生（取其諧音，無錯丫）。如果迎新夜搞成咁，應該無人會再玩ocamp...乜ocamp既輔員既職責係跳出黎嚇你咩！？仲有...竟然有得玩「水戰」。
• 通靈實驗室：一個人玩既鬼屋，竟然比一班人一齊玩既仲驚...仲有個主持好似大姑媽阿Elton John囉唔該。

玩到尾，好似左手邊呢d小兒科已經嚇唔到，因為我地都自動痴埋一齊，以防旁邊有咩野突然飛出黎...好似鯊魚館出面有隻匿埋係樹叢既鬼真係陰濕到丫，比個服字你。

提醒你地。如果想玩得開心，真係要做足心理準備囉。就算你唔係喊包，都要小心你有無朋友係...

又，有膽既你地，不妨講兩句撩下d鬼朋友（但記得言語挑逗就好，點到即止），佢隨時比d搞笑抵死回應你！

例如十三號差館你問門口隻鬼差館有咩玩，果度係報案室，佢竟然答我「強X囉！」。

真係有時事觸覺既鬼兄。

港人須學權術 勿只做乖乖

New Hong Konger 新香港人

香港最需要的是甚麼人？最缺的，可能是懂軍事懂戰略的人。

為甚麼？常說邊緣化，要跟大陸爭，可內地官員身經百戰，練多重磨練才爬到上去，比香港的老奸巨滑得多了。缺少戰略思維，隨時給別人搶着先機，進一步威脅香港。但香港真的意識到大陸的厲害嗎？有意識到自己有多少籌碼行甚麼計劃嗎？

高鐵給穗「食住上」 港盲從

就以近來的廣深港高鐵為例，依其名，就是連接廣州——深圳——香港的高速鐵路，再以廣州為圓心，輻射到鄰近的城市，建構一個數小時內可到達的中港生活圈。 一些事件如用甚麼路軌、清拆石崗菜園村、有多少諮詢期都是旁枝，沒有大錯誤，也沒有小錯誤，重要的是整個規劃都是給人「食住上」。

高鐵建與不建，不僅是造價、收益平衡的問題，還涉及兩地政治經濟的交融。當然事情不會一如政府所言，就是簡單的珠三角「融合」。高鐵最重要的目的，是讓香港連接遠離的內地大城市，搶奪在內地更大的位置，更大的話語權。

現在如何呢？六百多億，從香港出發到廣州未來新區市中心，才繼續接駁上其他大城市，上海約8小時，北京10小時，比飛機差得遠，預計票價又貴，很難有本地 客有興趣。照此看，在計劃中，最得益一定是深圳廣州，方便前往其他內陸城市（以上時間減一小時多），內陸運輸大大加強，香港不過是「碰巧」可以加上去的一 個連接點，讓內地居民進出。與其說是融合，不如說是單方面被佔便宜。別人的籌碼增加了，而香港只是其中的一步棋。

耗資做大白象 當局仍硬銷

如此一個計劃，政府不可能欣然贊成，花錢還要弄出一堆爭議，自找苦吃。究竟香港的戰略重要性是甚麼？沒有說法不打緊，但不應聽別人的，建條虛耗的鐵路，要 讓自己跟從別人的議程。可怕的是政府竟然還不斷推銷，說一定要建！這就變大白象了。今天一個戰略決定的錯誤，影響着的是整個下一代的生計。但重要的高鐵， 就這麼白費了。

這類工程還有不少，如港珠澳大橋，面對的是同一個問題——浪費資源，但最大效益發揮不到香港身上。出路是，我們要研究出自己究竟有甚麼籌碼跟大陸鬥，憑甚 麼叫中央放心繼續放資源在香港。廣東省也不只是聽話的乖乖，懂耍賴去搶，香港要學的，就是懂這些技巧的人才。尤其是今天的大學生，是時候去了解更多內地的 權術了。

網上報紙 全面開放增影響力

做暑期實習，深切明白辦公室之苦悶，相信不少人兄如我一樣，日日蛇王看網上報紙。這群熱衷上網閱報打發時間的打工仔，在往後一段時間，將會主宰本地報業如何發展。

現在有幾份報紙開始將內容放上網，供人免費觀看。內容只附帶少量廣告，吸引不少讀者，從此不用再買報紙。也有一些仍然堅持先收費後觀看，無他，辦網站需要錢。問題的癥結是網上辦報模式，盈利和影響力只能二擇其一。

盈利與影響力 只能二選一

印刷媒體要賺錢，主要是零售及廣告，報紙放上網，以及賣廣告形式大大增加，足以破壞現有的收費模式。他日要買報紙的，可能只剩少量不懂上網的，或者追求 「手感」的讀者。限制內容不是辦法，某集團不停地掃蕩將旗下的報紙雜誌內容免費開放的網頁，可是野火燒不盡，不出數日又再回復正常。新世代太容易獲得上網 的技術，媒體鬥不過。尤其是十幾二十年後，不懂上網的逐漸老去，更大比率的讀者有能力獲得免費內容，倒不如乾脆開放。而且辦網上版還可以搞多媒體內容，加 大影響力。

英國的《衞報》是一個好例子。近年該報索性將所有內容開放，網民每天在文章激烈辯論，可謂奇景。無疑這使銷量大跌，但倒過來增加不少影響力，吸引網民到來 開戰。本地幾份報紙開始效法，方向正確，每天在各大論壇都會見到有人轉載文章，間接令更多人觀看。也有堅持收費的報紙近日嘗試將知名專欄放上網，任人免費 觀看討論，效果十分好。

結果，大家都選擇影響力多於盈利。今天蝕的，他日會賺回來嗎？我想很難。大家都喜歡做free rider。

免費報紙 補貼網上內容成本

除了小道消息、專欄、副刊等，新世代都不用買報紙了，因為每份報紙的新聞都大同小異，還有-免費報紙。不少讀者現在會上班取一份免費報紙，同時為了看某些 專欄而買一份收費的。既然網上報紙暫時還沒有賺錢的範式，那倒不如學某些集團，以免費報紙作廣告營運，補貼全面開放網上內容的收費報紙，盡量在盈利與影響 力之間取個平衡。

激烈的競爭，都是出在資訊愈來愈流通，而且有太多方法可以免費得到。如果報業還奢望封鎖內容，讀者就會乖乖付錢看的話，是太少看網民的能力了。收費的報紙捱不了多久（還不能減價），逐漸開放，凸顯報紙吸引的內容，才是正途。

人人都中H1N1

自從七月中宿舍大量出現H1N1感染，隔離房有，對面房有，返工一條走廊之隔，最喜拍瑞士雪山肺模擬騙案的部門有，曾親密接觸幾天的也有，不過大家都高速康復。這兩星期一直咳嗽痰多鼻水多，又無發燒，醫生只稱是上呼吸道感染。

我就覺得，其實呢度人人都感染哂H1N1，只係病唔病發，有無病徵而已。

或者某日就有post，題為「熱烈祝賀扑主正式感染H1N1」。

又，到時應該點樣自閉呢？

戒／驗毒之誤

近日興禁毒（其實都講左好多年，宜家先黎做下show而已），無論特首焗腸點樣七情上面硬性宣傳，或者副焗腸tum細路咁話一齊驗毒(1)，唔洗問阿貴，都無人理佢。

呢round到港台，整一輯新既《毒海浮生》。

大家都明毒品有咩禍害，播左咁多年咁多次，有邊個唔知。但就算悶，港台節目都總比官員宣傳有效，當中既magic，不過係個「信」字。播左咁多年，有眼你睇，港台野點悶都好，起碼有原則，有內容，有意義。

之但係，《毒海浮生》係勸人戒毒既軟性節目，唔係勸人驗毒既節目。唔通播完，就會多左人受「感化」，自願去驗尿？不如拍套《日日驗毒身體好》丫。

《毒海浮生》係港台自家出品，呢個時候播，看似撐政府，實則更加似係諷刺政府行錯路。以為捉用家就搞掂（仲要係跛腳政治工程），其實打錯對象，用家只能感化向善。欲速則不達。

如果港台係政府喉舌，宜家播既就真係唔知會係咩垃圾啦。

延伸：林思華－－毒海浮沉眾生相 （刊於11/8信報，各位自己搵啦）

(1)不如成立驗尿局，局長職務就係每日去學校同學生一齊驗尿，樹立榜樣。

18年後

枱上舊文具。

公司門前的貓

不怕生但有時會逃跑。眼睛很美。

優越感

「他總喜歡做幕後的看客，冷冷地，靜靜地看著一切，在他眼裏，一切都在他的意料之中，他並不覺得有什麽是新奇的，如果他表現得新奇，那是因爲他覺得應該這樣做。他像一個看戲的人，永遠置身事外。」

另加幾句恥笑，這套戲根本不好看。

友說，有些人對女孩總有優越感。我想就是上面的描述。

置身事外，半真半假的感情，一邊裝成愛情，另一邊卻是冷靜的盤算，如何令對方逃不出五指山。還要在背後藉此說笑，我這場戲做得真棒，她反應真可笑，那完全迷倒、意亂情迷的表情真令人陶醉。

為了控制慾而生存，而且還沾沾自喜，像集郵一般，收集迷戀的女孩。

書展之鬥多

以種類計，

34位「女神」出書（部分是「o靚模」、部分是「明星」、部分是「舞蹈員」，不能一概而論），應是最多；

仲有貽興王單人計破紀錄15本書；

最勁既係，

竟然連劉迺強都可以拆文再包裝，出成四本書丫！

仲要叫做「強港箴言」，梗係要買本返黎偷下師，睇下佢有咩好橋，可以吹到四本書！

（圖來自商務印書館）





































*** *** ***

小弟不才，只能同咁多位作者出到一本，輸哂。各位有心，就買本睇睇啦。

暑期工

兩三個禮拜唔見人，去左某傳媒機構返暑期工。雖則呢度其實消失左都應該無人理。

其實整日都會對住電腦，只係提唔起心機打字，亦無乜題材。每一秒都望住新聞，要鬧都一早鬧完，洩哂氣。再加上夜晚總有野忙，又唔得閒。

純粹搵錢。學技能，呢度無。只係一堆簡單updating/checking，同係中大做$50一個鐘差不多，不過人工再高少少，同要坐office。坐office都係寫唔出字原因之一。工作濕星加無聊，望就望下個月有得出去拍外景。

諗一諗，係呢度學到既，係戰略。

老細成日假設，當電台同電視頻道遲早被收回之後（大家都知邊間啦），點樣可以淨係靠一個網頁生存。所以網頁唔只係廣播頻道既附庸，而係加強版。上面除左一大堆整合既內容，仲不斷有新方案，嘗試淨係靠網上廣播運作（myradio？）。老細成日暗串高層無大志，等死，靠佢開闢新天地，嘿。

不過呢間機構嘛，始終成立太耐，連網頁都有十幾年歷史，太多行規要守啦。有好多野太古董，仲係靠人手update，易錯，等轉做自動update，要排十世期。如果要生存落去，一定要快手刪走又舊又殘既野，做得更加機動，唔好比龐大架構拖累，善用人手。

同一條街隔離台，就有好多野值得學。雖則果邊人事唔穩定（定呢邊太穩定？），間唔中就地震。

不過百年老店，真係太難改啦。執左佢再黎過，浴火重生可能更好。